Пасля вучэбна-трэніровачнага збору, праведзенага ў Стоўбцах, трэнерскі штаб зборнай Беларусі вырашыў пакінуць дома брамніка Аляксандра Антонава і абаронца Аляксея Пінчука. У панядзелак, 5 лютага, у 14.00 прамым рэйсам B2 8791 наша каманда адправілася ў Ташкент, дзе 7 і 9 лютага правядзе два таварыскія матчы з камандай Узбекістана.
У выязным складзе 14 футбалістаў: брамнікі – Аляксей Лукша («Сталіца»), Арцём Петухоў (БЧ), палявыя гульцы – Максім Батурын, Арцём Зуенак, Павел Раговік (усе – «Вітэн»), Сяргей Крыкун (КПРФ, Расія), Уладзіслаў Сялюк, Яўген Чарнейка, Дзмітрый Шыманоўскі (усе – ВРЗ), Андрэй Семянюк, Дзяніс Семянюк (абодва – «Мінск»), Аляксандр Умпіровіч, Ігар Шчарбіч, Арцём Якубаў (усе – «Сталіца»).
